About Us

ສູນກາງ ການສຶກສາ "Lasaath" ມີຄວາມພາກພູມໃຈ ນຳສເນີ ຕຳຣາຫລັກສູດ ການຮຽນອ່ານ ແລະ ຮຽນຂຽນ ພາສາລາວພາກຕົ້ນ ເພື່ອໃຊ້ເປັນຄູ່ມື ແດ່ທ່ານທີ່ສົນໃຈສອນ ແລະ ຮຽນພາສາລາວ ໃນທຸກໆມູມໂລກ. ຕຳຣາຫລັກສູດ ສບັບນີ້ ໄດ້ຮຽບຮຽງ ເກັບກ່າຍ ຄັດລອກມາຈາກ ຕົ້ນສບັບເດີມ ຂອງແບບຮຽນ ພາສາລາວຊັ້ນຕົ້ນ ຂອງກະຊວງສຶກສາທິການ ພຣະຣາຊອານາຈັກລາວ ຊື່ງຜູ້ນຳທັງຫລາຍ ໄດ້ຜ່ານການຮຽນຈາກປື້ມຫົວນັ້ນ. ດັ່ງນັ້ນ ເພື່ອຣະນຶກແລະຮັບຮູ້ເຖີງ ບຸນຄຸນ ແລະ ຄຸນງາມຄວາມດີຂອງບັນພະຊົນ ຜູ້ຄິດຄົ້ນຫລັກສູດນີ້ ພວກເຮົາຈື່ງນຳມາຮຽບຮຽງຄືນໃໝ່ ໂດຍຮັກສາເຄົ້າໂຄງທຸກໆຢ່າງເໝືອນເດີມ ພຽງໄດ້ດັດແປງຮູບພາບເລັກນ້ອຍ ແລະ ເພີ້ມເຕີມວິທີແນະນຳການສະກົດສຽງ ແບບໂຟເນຕິກ ດ້ວຍອັກສອນລາຕີນ. ວິທີການສອນ ການຮຽນພາສາ ທີ່ດີທີ່ສຸດ ກໍຄື ການຮຽນ ການສອນ ແບບຄົນຕໍ່ຄົນ; ແຕ່ອີງຕາມສພາບການ ແລະ ການເປັນຢູ່ໃນຍຸກ ເທກໂນໂລຢີໃໝ່ (new technology) ພວກເຮົາຈຶ່ງໃດ້ອອກແບບ ໃຫ້ທ່ານໃຊ້ເວລາຂອງທ່ານຮຽນດ້ວຍຕົນເອງ.